UEFA Avropa Konfrans Liqasında 2023/2024 mövsümünün qalibi müəyyənləşib.
Afinada keçirilən Finalda “Olimpiakos” və “Fiorentina” üz-üzə gəlib. 9-cu dəqiqədə qonaqların heyətində Kristiano Biraqi fərqlənsə də daha sonra VAR sistemi otyndan kənar vəziyyət qeydə alıb. 90 dəqiqənin tamamında qapılara qol vurulmayıb. Qalibin adına isə əlavə vaxtda aydınlıq gəlib. 116-cı dəqiqədə meydan sahibləri rəqib qapısına yol tapıblar. Eyub Əl-Kaabi diqqət mərkəzinə düşüb. Bu qol oyunun nəticəsini müəyyənləşdirib: “Olimpiakos” – “Fiorentina” 1:0. Beləliklə “Olimpiakos” tarixində ilk dəfə avrokuboklarda çempion olub. “Fiorentina” isə ardıcıl 2-ci dəfə UEFA Konfrans Liqasının finalında məğlub olub.